un monde noweau you appelle


    عندك مشكله عاطفيه مش عارف تحلها عندنا راسلنى وهتلاقى حلها

    شاطر
    avatar
    سفيرالحب
    مشرف قسم
    مشرف قسم

    ذكر عدد الرسائل : 155
    العمر : 32
    تاريخ التسجيل : 07/06/2008

    عندك مشكله عاطفيه مش عارف تحلها عندنا راسلنى وهتلاقى حلها

    مُساهمة من طرف سفيرالحب في الإثنين يونيو 09, 2008 4:45 pm

    مش غلط اننا نعترف بغلطنا الغلط اننا نتمادي فيه افتحلي وافتحيلى قلبك وفضفض وانشاء الله هتلاقى الحل هنا عندنا اذا اراد ربنا
    avatar
    سفيرالحب
    مشرف قسم
    مشرف قسم

    ذكر عدد الرسائل : 155
    العمر : 32
    تاريخ التسجيل : 07/06/2008

    رد: عندك مشكله عاطفيه مش عارف تحلها عندنا راسلنى وهتلاقى حلها

    مُساهمة من طرف سفيرالحب في الجمعة يونيو 20, 2008 12:50 pm

    انا فى انتظار ردودكم

    سلسبيلا
    عضو جديد
    عضو جديد

    انثى عدد الرسائل : 1
    العمر : 28
    تاريخ التسجيل : 30/08/2010

    رد: عندك مشكله عاطفيه مش عارف تحلها عندنا راسلنى وهتلاقى حلها

    مُساهمة من طرف سلسبيلا في الإثنين أغسطس 30, 2010 9:08 am

    ما أجمل أن تعشق إنسان وتحبه فى الله وتخلص له فى العطاء تثق به تحترمه تؤثره على نفسك ولكن الأصعب عندما تعرف أنه أنانى لا يحب إلا نفسه أخى سفير الحب حقيقى مش عارفة ابدأ من فين حكايتى إنتهت بس مشكلتى مع نفسى أنا طالبة بالفرقة الثلثة بهندسة لما كنت فى سنة أولى كان فيه نوع من الأهتمام لمعيد كان بيدرسلى ومازال لكنه كان مركز عليا جدا وبيتعمد يظهرلى أنه مركز معايا وإنه عارفنى ومهتم بيا لدرجة إن تركيزه عليا كان واضح لزميلاتى المهم بدأت العلاقة ما بينا بالتدريج بدأت فى حدود الدراسة وكنت بتصل بيه لللإستفسار ,فى مرة نصحته على حاجة كان بيعملها مع الطالبات خلته عرضة للإنتقادات وده لأنى كنت خايفة عليه بجد وعايزاه ياخد باله وبالفعل بدأ يغير وهنا بدأت بينا علاقة شخصية ياخد رأيى لو مخنوق يقولى لكن ربنا يعلم إنى عمرى ما إتعديت الحدود ولا سمحتله وكانت العلاقة فيها إحترام رغم إننا خدنا على بعض إلا إنه كانت دايما الألقاب موجودة وفيه حدود ما حاولتش أصلا أتعداها كنت بحاول أبينله إنه زى أخويا الحمدلله ربنا أنعم عليا إنى بحس باللى قدامى إذا كا ن فرحان أو زعلان حتى لو مش مبين خالص ولما أحس إنه زعلان كنت أكلمه وكان دايما فى البداية بيحاول يقربنى ليه علشان اتعود عليه لحد ما كنت بتصل بيه كل يوم واحيانا مرتين لو حسيت إنه زعلان منى وكان بيقولى دايما إنه بيرتحلى فى الكلام وإنى قريبة منه وإنمكانتى عنده ومعزتى أكتر من أخته وبقى يتكلم معايا ويحكيلى أكتر من إخته وإنه ليا مكانة خاصة غير كل الناس ويقوللى إنى خلاص أخدته منها وإنه بيفرح لما أكلمه ولما كان رصيدى يخلص يتصل بيه وأرد عليه بالعافية واقوله إنه هو المعيد وانا الطالبة إزاى اكلمه على حسابه وعلى مدار السنتين كنت دايما بكلمه على حسابى ونادرا ما هو يكلمنى ويختصر والأكتر لما يعوزنى يرن عليا رنة بسيطة وانا اللى بتصل وقتها ما أخدتش الموضوع فى بالى وكنت عاملة إنه مفيش فرق وإنه واخد الموضوع ببساطة قلت مفيش مشكلة ولما يحاول بقوللى كلام شويه حلو أو يلمحلى بحاجة كنت بسكت لانى كنت بتكسف أرد رد وأجاريه فيه بجد دى مش أخلاقى وعمرى ما بكلم أى زميل ليا أو بحكى مع أى حد بس الموضوع بجد جه بسرعة وكان اوقات يقوللى إنى زى اخته وكنت برد بالمثل يعنى هقوله إ وفتحلى قلبه خالص وحكالى على حاجات وقاللى إنه ماقلهاش لحد تانى ولما يقولى حاجة علشان تستفزنى كنت بسكت وماظهرش غيرتى . عدت سنة وكنا برضه بنتكلم فى الأجازة ولما أتأخر علبه فى اللإتصال ويكونو كام يوم بس يقوللى ما بتتصليش ليه كنت مستنيكى أقولله طب ما تتصل حضرتك يقوللى مش عارف . لغاية لما مرة طلب منى ادورله على عروسة وفضل يقوللى على صفاتها شكلا وأخلاقيا كان فى حاجات فيه بس اللى خلانى أعرف إنه مش قصده حتى يستفزنى ومش قصده خالص عليا إنه مش عوزها فى هندسة وتكون بتشتغل وعاوزنى أشوفله من بنات العائلة بالرغم إنه من محافظة غير محافظتى ولما عرف إن ليا أخت أكبر فى طب طلب يشوفها فقولتله أخاف ما تعجبكش يكون فيه إحراج قالى لأ أكيد هتعجبنى مش شبهك لكنى جبت الموضوع من ناحية تانية علشان ميكونش فيه إحراج ما بينا لو ما حصلش نصيب لكنه اصر ادورله على حد من أصحابى لانه مش بيثق فى ذوق أخته فوافقت وف نفس المكالمة رشحتله واحدة من اصحابى فطب مقدرتش أرفض علشان ما يحس بمشاعرى وإتظاهرت بالفرحة وفعلا سعيت فالموضوع يس شرطى عليه ما يقلهاش إنه من طرفى منعا لللإحراج وبرضه كان عايزنى أنا اللى أكلمها لكنى ما رضتش وقالى إنه لما يخطب مش هيكلم أى حد ووقتها عرفت إنه كان بيتكلم مع بنات تانى وتأكدت المهم إنها ما وفقتش ووقتها أتصل بيا يكلمنى وكان مخنوق المفروض كنت قطعت علاقتى بيه وقتها بس كان صعب لإنى إتعودت دايما أكلمه كلامنا شوية خف وبدا يتغير من ناحيتى ويتجهلنى ولما أعاتبه يقول مشغول وانا كنت عارفة انه بيكذب ومن موقف معين اتاكدت من كذبه فى حاجات كتير فعلا قل من نظرى بس للأسف كان ليه معزة وكنا بنختلف كتير واحتديت معاه كتير وكنت بظهرله انه عادى بالنسبة لىوانى عملت اللى عليا خلاص المهم بعدها عرفت منه أعجب بواحده وبيكلموا بعض المفاجأة إنها من نفس القسم بتاعنا وأصغر بسنة وكان محرج جدا يقوللى لأنها معايا فنفس القسم بس برضو شرطت إنه مايقولهاش حاجة لأننا زملا منعا للأحراج وبالصدفة عرفت إنه قالها وأخدت موقف منى وده حقها ولسبب معين إضطر يخطبها لأن موضوعهم انتشر وما كنش ناوى يخطبها فالوقت ده هى إتهمتنى إنى ذعت الخبر للإساءة إليها وعلى حسب كلامه دافع عنى جدا وقالها خط أحمر عندى انا وأخدت منه موف لأنه جرحنى بكلام ما كنش ينفع يقوله بعد ما خطب وقارنى بيها فحاجات وكنت بتجهله فالسكشن لأنى كنت عايزة أساعد نفسى على نسيان مشاعرى وكنت خلاص، بقى يحاول يكلمنى فالسكشن المهم اتكلمنا وهو اللى صالحنى وكان كلامه معناه انى انا اللى اكلمه من وقت لتانى ولما قولتله ان فيه ناس بتقول مفيش اخوة من ولد لبنت حبيت اعرف رايه قالى انى بالنسبة اه بنى ادمة بيرتاح لما يتكلم معايا بيحب يحكى معايا ممن يكون فيه شئ صغير ومن صغره ما كنش واضح قالى يعنى ممكن نقول اخوة فى الله وعدى الترم ده يصعوبة ومستوايا الدراسى قل جدا جدا ولما كلمته اساله عالنتيجة قالى انه مشغول ومش فالجامعة وطلب منى اطمنه0 شووووووووووووووووووووف المفاجأة بكلمه بعدها ب3 أسابيع رد عليا وزى ما يكون عرفنى من صوتى وقالى معلش أصلى موبيلى مش شغال وقبل ما يسألنى عن سبب الإتصال قالى انا عندى ليكى خبر أنا إتجوزت ومراتى جنبى خدى باركيلها كلمتها وباركتلها ومكنتش حتى بترد عليا هما كلمتين أنا عازراها الحق مش عليها0 هو اكيد كا ن حاسس بمشاعرى هو خلاص اختار حياته معاها حقه مش عايزها تشك فحاجة ويثبتلها إخلاصه لها حقه طاب ما كنش يرد علشان ميحرجنيش معاها ،علشان ما يجرحنيش طيب يقولى ان خلاص معاد فرحى علشان ما اتصلش فين مكانتى الخاصة وغلاوتى ماكنش وضعنى فالموقف ده. سفير الحب أنا عارفه انى برضو غلطانه اولا لأنى صدقته ثانيا ان سبت مشاعرى تأسرنى ثالثا انى كنت بثبتله دايما انه اخ لأن عزة نفسى منعتنى من التصريح لأن من وجهة نظرى الأجمل ان الشاب هو اللى يصرح ثقتى الزايدة فيه كانت بتخلينى اكلمه بعد ما خطب بس طبعا بحدود أكتر وده غلط (كان دايما بيقارنى بيها اثناء الكلام وبل الخطوبة قالى انها مثلى بالضبط وما تتخيرش عنى كانه بيواسينى) وعارفة إن مشكلتى سهلة
    أخى سفير الحب اسفة جدا جدا للأطالة بس حبيت أوضحلك الموضوع بالضبط المشكلة اللى خايفة منها عند المواجهة فالدراسة دلوقتى مش بفكر كتير وحاسه ان مشاعرى جوايا اختفت بس خايفه أكون لسه بعزه وهو خلاص متجوز وبعد ما اكتشفت انه انانى يعمل اى حاجة علشان ما يظهر ش نفسه فصورة سيئة حتى لو جرح حد خايفة لما أشوفه اضعف أحن أتألم أستعيد الذكريات المؤلمة وبدل ما أركز فدراستى أشغل بالى بتصرفاته اتجاهلنى خلاص نسينى ولا ياهل ترى لسه ليا مكانه عنده وأنا بجد نفسى أنساه وكأنه لم يكن علشان أتابع حياتى من غير ألم واركز فمستقبلى خايفة اكون بكبت مشاعرى ولو حاول يتقرب مش هقولك هضعف لانه دلوقتى متجوز ومش هحب احط نفسى فوضع خسيس بس هكون فصراع وهتألم ومضطرة على التعامل معاه ولازم اظهر نفسى عادى خالص بالرغم من انه أحيانا كتير بيعاملنى اقل من الطلبه علشان يظهرلى انه خلاص نصيحتك لى اخى الفاضل إزاى فعلا أمحى اى ذرة موجودة فاعماقى انا لو حلمت بيه بأنب نفسى لربما يكون لسه جوايا بقايا معزة ،وشكرا ليك أخى الفاضل على اهتمامك لمساعدة الأخرين لاجتياز مشاكلهم

      الوقت/التاريخ الآن هو الإثنين ديسمبر 18, 2017 1:00 am